नवी मुंबई आंतरराष्ट्रीय विमानतळ नाताळ २५ डिसेंबरपासून सुरू होणार आहे. मिळालेल्या माहितीनुसार, पहिल्या दिवशी नवी मुंबई विमानतळ सकाळी ८ ते रात्री ८ वाजेपर्यंत १२ तास सुरू राहिल आणि दररोज २३ डिपार्टर होतील. विमानतळ दररोज एका तासात १० विमानांच्या ये-जा चं व्यवस्थापन करेल.
बंगळुरूहून येणार पहिलं विमान…
२५ डिसेंबर रोजी एनएमआय म्हणजेच नवी मुंबई विमानतळावर पोहोचणारं विमान बंगळुरूहून उड्डाण करेल. पहिलं विमान इंडिगोचं असेल. हे सकाळी ८ वाजता नवी मुंबई विमानतळावर लँड करेल. यानंतर इंडिगोचं एक विमान सकाळी ८.४० वाजता हैद्राबादहून रवाना होईल. ही पहिलीच आउटबाउंड सेवा असेल. एनएमआयएने जारी केलेल्या निवेदनानुसार, सुरुवातीच्या लाँच दरम्यान प्रवाशांना इंडिगो, एअर इंडिया एक्सप्रेस आणि अकासा एअर द्वारे दिल्या जाणाऱ्या सेवांचा फायदा होईल, ज्यामुळे मुंबई १६ प्रमुख देशांतर्गत स्थळांशी जोडली जाईल.
८ ऑक्टोबरला झालं उद्घाटन
ही आहेत डेस्टिनेशन्स….
अहमदाबाद (एएमडी), औरंगाबाद (IXU), बंगळुरू (BLR), चेन्नई (MAA), कोचीन (COK), कोयंबतूर (CJB), दिल्ली (DEL), गोवा (GOI आणि GOX), हैदराबाद (HYD), जयपुर (JAI), जम्मू (IXJ), कोलकाता (CCU), लखनऊ (LKO), मंगळुरू (IXE)। नागपुर (एनएजी), आणि बडोदा (बीडीक्यू).
पंतप्रधान नरेंद्र मोदींनी मुंबईतील दुसऱ्या विमानतळाचं उद्घाटन ८ नोव्हेंबर रोजी केलं होतं. या उद्घाटनामुळे मुंबई महानगर प्रदेशाच्या (एमएमआर) वाढत्या विमान वाहतुकीच्या गरजा पूर्ण करण्यास आणि त्याची क्षमता वाढविण्यास मदत होईल. फेब्रुवारी २०२६ पासून, विमानतळ २४ तास कार्यरत राहील, ज्यामुळे दररोज ३४ उड्डाणे होऊ शकतील.
