नाशिक जिल्ह्यातील डोंगराळे गावातील साडे तीन वर्षाच्या चिमुरडीवर अत्याचार करत तिची निर्घृणपणे हत्या करण्यात आली. १६ नोव्हेंबर रोजी चिमुकली घराच्या अंगणात खेळत होती, त्यावेळी गावातील २४ वर्षीय विजय संजय खैरनार याने तिला चॉकलेटचे आमिष दाखवले. नराधमाने तिला एका टॉवरजवळ नेले, तिच्यावर अत्याचार करत तिची हत्या केली. पोलिसांच्या शोधमोहिमेत आरोपीही होता, त्यावेळी तपास सुरू असताना गावातील एका माहिलेने नराधमासोबत चिमुकलीला टॉवरकडे जाताना पाहिले होते. त्यानंतर हे प्रकरण समोर आले आहे. सोशल मीडियावर फोटो व्हायरल झाल्यामुळे राज्यभरात संतापाची लाट उसळली आहे. काल मोठे आंदोलन झाल्याचेही पाहायला मिळाले, मात्र आता संबंधित चिमुरडीच्या आईनेचे या प्रकरणावर धक्कादायक खुलासे केले आहेत.
चिमुरडीच्या आईनेचे केला धक्कादायक खुलासा, म्हणाली….
शुक्रवारी मालेगावात पोलीस आणि आंदोलकांमध्ये संघर्ष
शुक्रवारी स्थानिक न्यायालय परिसरात नागरिकांचा आक्रोश पुन्हा उफाळून आला. सकाळपासून मोठ्या संख्येने जमलेल्या महिलांनी आणि तरुणांनी थेट आरोपीला त्यांच्या ताब्यात देण्याची मागणी करत न्यायालयाच्या दिशेने धाव घेतली. वाढता तणाव पाहून पोलिसांचा बंदोबस्त तैनात असतानाही आंदोलनकर्त्यांचा राग अनावर झाला आणि त्यांनी न्यायालयाच्या लोखंडी गेटला जोरदार धक्का देत प्रवेशद्वार उद्ध्वस्त केले. काहीजण आवारात घुसण्यातही यशस्वी झाले. त्यामुळे एकूणच शुक्रवारी मालेगावात पोलीस आणि आंदोलकांमध्ये मोठा संघर्ष उभा राहिल्याचं अवघ्या महाराष्ट्राने पाहिलं. आरोपी विजय खैरनारला फाशीची शिक्षा व्हावी, अशी मागणी सातत्याने केली जात आहे.
