प्राचीन भारतात चाणक्य (Chanakya Niti) हे एक महान विद्वान, राजनीती आणि नीतिशास्त्रातील तज्ञ मानले जातात. ते केवळ राजकारणापुरते मर्यादित नव्हते तर त्यांना जीवन जगण्याचे, नोकरी आणि व्यवसायाचे सखोल ज्ञान होते. आचार्य चाणक्यांनी (Chanakya Niti) आपल्या ‘नीतिशास्त्र’ या ग्रंथामध्ये जीवनातील विविध गोष्टींबाबत सल्ले दिले आहेत. आचार्य चाणक्य यांचे धोरणे खूप प्रसिद्ध आहेत. त्यांनी सांगितले की मानवी जीवन केवळ कृतींवर अवलंबून नसते, तर काही गोष्टी व्यक्तीच्या जन्मापूर्वीच ठरवल्या जातात. माणसाचे आयुष्य त्याचे नशीब त्याची परिस्थिती आणि तो आयुष्यात काय करणार आहे हे त्याच्या जन्मापूर्वीच ठरलेलं असतं.
वय
आचार्य चाणक्य यांच्या मते, प्रत्येक मनुष्याचे आयुष्य किती वर्षाचा आहे हे देवाने आधीच ठरवलेलं असतं. मूल आईच्या गर्भात असताना, देव पृथ्वीवरील त्यांच्या आयुष्याचा कालावधी लिहून ठेवतो. याचा अर्थ असा की प्रत्येक व्यक्तीच्या मृत्यूची वेळ निश्चित असते. चाणक्य म्हणतात की कोणी कितीही प्रयत्न केले तरी आपला आयुष्य वाढवू शकत नाही किंवा ते कमी करू शकत नाही.
मृत्यू (Chanakya Niti)
आचार्य चाणक्य म्हणतात की मृत्यूची वेळ एखाद्या व्यक्तीच्या जन्मापूर्वीच लिहिलेली असते. एखादा मनुष्य कधी, कुठे आणि कोणत्या अवस्थेत मरणार आहे हे सुद्धा आधीच ठरलेलं असतं. जन्म मिळालाय म्हणजे मरण तर येणारच …. ते कधी कोणाला टाळता आलेलं नाही. आचार्य चाणक्य यांच्या मते, मृत्यूचे भय एखाद्या व्यक्तीला कमकुवत करते, परंतु जेव्हा एखाद्या व्यक्तीला हे समजते की ते आधीच निश्चित आहे, तेव्हा घाबरण्याचे कोणतेही कारण नाही.
कर्म
आचार्य चाणक्य (Chanakya Niti) म्हणतात की प्रत्येक व्यक्तीचे जीवन त्याच्या कर्मावर अवलंबून असते. आज एखादी व्यक्ती काय आहे हे त्याच्या भूतकाळातील कृतींचे परिणाम असते. शिवाय, एखाद्या व्यक्तीच्या आजच्या कृतींवरून भविष्यात तो काय होईल हे ठरवले जाईल. एखाद्या व्यक्तीच्या कृतींचे परिणाम गर्भधारणेपूर्वीच निश्चित केले जातात.
आर्थिक स्थिती
चाणक्य म्हणतात की एखाद्या व्यक्तीची आर्थिक स्थिती त्याच्या जन्मापूर्वीच ठरलेली असते. एखादा माणूस गरीब राहणार की श्रीमंत हे त्याच्या जन्माआधीच निश्चित झालेल असते. याचा अर्थ असा की एखाद्या व्यक्तीच्या आयुष्यात किती संपत्ती आणि मालमत्ता येईल हे आधीच ठरवलेले असते, परंतु याचा अर्थ असा नाही की एखाद्या व्यक्तीने कठोर परिश्रम करणे थांबवावे.
शिक्षण आणि ज्ञान
प्रत्येकाची बुद्धी ही वेगळी असते सर्वजण मोठ्या पदावर पोहोचू शकत नाहीत. कारण जन्मापूर्वीच व्यक्ती किती शिकणार आहे किती ज्ञान आत्मसात करणार आहे हे ठरलेलं असतं. प्रत्येक व्यक्तीमध्ये एक अद्वितीय प्रतिभा लपलेली असते, जी ओळखल्यास आणि योग्य दिशेने जोपासली तर त्याचे ज्ञान आणखी वाढू शकते.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)