बॉलिबूड चित्रपटांचा बोलबोला सुरू आहे.अवघ्या 9 दिवसांत 220.75 कोटींची कमाई करत ‘सैयारा’ने एक ऐतिहासिक यश मिळवले आहे. तरूण वर्गातून चित्रपटाला मोठा प्रतिसाद मिळताना दिसत आहे. यशराज फिल्म्स आणि दिग्दर्शक मोहित सुरी यांच्या ‘सैयारा’ या चित्रपटाने प्रदर्शित झाल्यापासून बॉक्स ऑफिसवर अक्षरशः धुमाकूळ घातला आहे. या चित्रपटातून बॉलिवूडमध्ये पदार्पण करणारे अहान पांडे आणि अनित पद्ढा हे नवोदित कलाकार अल्पावधीतच झपाट्याने लोकप्रिय झाले आहेत. सैयाराचे कलेक्शन आणखी वाढणार आहे.
सैय्यारा तरूण वर्गातून चांगला प्रतिसाद
जेन Z प्रेक्षकवर्गाला भुरळ घातली असून सोशल मीडियावर दोघांचं नाव गाजतंय.’सैयारा’च्या यशात आणखी एक खास बाब म्हणजे, रोमँटिक चित्रपटासाठी आतापर्यंतच्या सर्वाधिक ओपनिंग वीकेंडचा विक्रम या चित्रपटाने आपल्या नावे केला आहे. यामुळेच हा चित्रपट बॉक्स ऑफिसवर केवळ चालला नाही, तर ट्रेंडही तयार करत आहे. दुसऱ्या आठवड्यात चित्रपटांच्या शोची संख्या कमी होत जाते, मात्र ‘सैयारा’ याला अपवाद ठरतोय. पहिल्या आठवड्यात 2225 स्क्रीनवर प्रदर्शित झालेला हा चित्रपट आता 3800 स्क्रीनवर दाखवण्यात येत आहे, जे चित्रपटाच्या वाढत्या मागणीचं द्योतक आहे.
सैय्यारा ठरतोय ब्लॉकबस्टर सिनेमा
YRF चे सीईओ अक्षय विधानी यांच्या निर्मितीत तयार झालेला आणि मोहित सुरी दिग्दर्शित ‘सैयारा’ सध्या संपूर्ण देशात चर्चेचा विषय बनला आहे. समीक्षकांकडून मिळालेली सकारात्मक दाद, प्रेक्षकांची उस्फूर्त प्रतिक्रिया आणि अफाट कमाई – यामुळे ‘सैयारा’ वर्षातील सर्वात मोठा ब्लॉकबस्टर ठरतोय.या चित्रपटाला तरुण आणि तरुणींचा भरघोस प्रतिसाद मिळत आहे. देशभक्ती, प्रेमकथा आणि ऐतिहासिक पार्श्वभूमी यांचा उत्तम संगम या चित्रपटात पाहायला मिळतो. चित्रपटातील कथा, कलाकारांची दमदार अभिनयशैली आणि संगीताने प्रेक्षकांची मने जिंकली आहेत.
विशेषतः युवक वर्गाला या चित्रपटातील प्रेरणादायक संवाद आणि साहसपूर्ण दृश्ये खूपच भावत आहेत. सैय्रारा या व्यक्तिरेखेतील संघर्ष आणि स्वाभिमान तरुण पिढीसाठी प्रेरणादायक ठरत आहे. सिनेमागृहांमध्ये गर्दी पाहायला मिळत असून सोशल मीडियावरही चित्रपटाबाबत उत्स्फूर्त प्रतिक्रिया उमटत आहेत. एकूणच, ‘सैय्रारा’ हा चित्रपट तरुण वर्गासाठी प्रेरणा देणारा ठरत आहे.
