Dharmendra Discharge News: बॉलिवूडचे ज्येष्ठ अभिनेते धर्मेंद्र यांना अखेर रुग्णालयातून डिस्चार्ज देण्यात आला बुधवारी सकाळी ते घरी परतले. ८९ वर्षीय ज्येष्ठ अभिनेत्याला श्वास घेण्यास त्रास होत असल्याने १ नोव्हेंबर रोजी मुंबईच्या ब्रीच कँडी रुग्णालयात दाखल करण्यात आले होते. जवळजवळ ११ दिवस वैद्यकीय देखरेखीखाली राहिल्यानंतर आता त्यांची प्रकृती स्थिर असल्याचे वृत्त आहे.
धर्मेंद्र यांना अखेर रुग्णालयातून डिस्चार्ज-
धर्मेंद्र यांना आज सकाळी रुग्णवाहिकेतून रुग्णालयातून घरी नेण्यात आले. गर्दी टाळण्यासाठी सुरक्षा व्यवस्था कडक करण्यात आली होती. रुग्णालयातील सूत्रांनी दिलेल्या माहितीनुसार, त्यांना आता घरी विश्रांती घेण्याचा आणि नियमित आरोग्य तपासणी करण्याचा सल्ला देण्यात आला आहे.
कुटुंबातील सदस्य हेमा मालिनी, ईशा देओल, सनी देओल आणि बॉबी देओल यांनी या कठीण काळात रुग्णालयात सतत उपस्थित राहून त्यांना साथ दिली.
STORY | Dharmendra discharged, family decides to take him home: doctor
Veteran Bollywood star Dharmendra was discharged from Breach Candy hospital on Wednesday morning after the family decided to take him home for treatment, his treating doctor told PTI.
The 89-year-old has… pic.twitter.com/HSR3SXcn7e
— Press Trust of India (@PTI_News) November 12, 2025
पीटीआयकडून माहिती-
पीटीआयशी बोलताना, मुंबईच्या ब्रीच कँडी हॉस्पिटलचे डॉ. प्रीतित समदानी यांनी धर्मेंद्र यांच्या प्रकृतीबद्दल अपडेट दिले आणि ते म्हणाले, “धर्मेंद्रजींना आज सकाळी ७:३० च्या सुमारास रुग्णालयातून डिस्चार्ज देण्यात आला. कुटुंबाने त्यांच्यावर घरीच उपचार करण्याचा निर्णय घेतल्याने त्यांच्यावर घरीच उपचार केले जातील.” अभिनेत्यावर डॉ. प्रीतित समदानी यांच्या मार्गदर्शनाखाली उपचार सुरू होते.
धर्मेंद्र यांच्या मृत्यूची खोटी बातमी पसरली होती. यापूर्वी, मंगळवार, ११ नोव्हेंबर रोजी, धर्मेंद्र यांच्या मृत्यूची खोटी बातमीही वेगाने पसरली. नंतर, अभिनेत्याची मुलगी, ईशा देओल आणि त्यांची पत्नी, हेमा मालिनी यांनी खंडन केले आणि ही बातमी खोटी असल्याचे सांगितले.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
