Benefits of eye palming: लहानपणी, अनेकदा सकाळी उठताच वयस्कर लोक हात एकमेकांवर घासून डोळ्यांवर ठेवायला सांगायचे. ही आय पामिंग टेक्निक आहे. जी डोळ्यांच्या आणि शरीराच्या आरोग्यासाठी फायदेशीर मानली जाते. ज्याप्रमाणे आपण शरीराचा व्यायाम करतो, त्याचप्रमाणे आपल्या डोळ्यांनाही विश्रांतीची आवश्यकता असते. आपले डोळे आपल्यासाठी खूप काही करतात.
आपण लॅपटॉप किंवा फोन वापरण्यात तासनतास घालवतो, ज्याचा आपल्या डोळ्यांवर नकारात्मक परिणाम होतो. तरीही आपण त्यांना निरोगी ठेवण्यासाठी काहीही करत नाही. जर आपण डोळ्यांच्या आरोग्यासाठी दिवसातून ५ ते १० मिनिटे घालवली तर डोळेदेखील निरोगी होऊ शकतात. आय पामिंग टेक्निक म्हणजे काय आणि डोळ्यांसाठी त्याचे फायदे काय आहेत ते जाणून घेऊया…..
आय पामिंग म्हणजे काय?
आय पामिंग ही एक सोपी पद्धत आहे ज्यामध्ये तुम्ही तुमचे तळवे एकमेकांना घासून गरम करता आणि नंतर ते तुमच्या बंद डोळ्यांवर हलक्या हाताने ठेवता. यामुळे डोळ्यांच्या स्नायूंना तात्काळ आराम मिळतो आणि तुम्हाला ऊर्जा मिळते. नॅशनल लायब्ररी ऑफ मेडिसिनच्या एका अभ्यासातून असे दिसून आले आहे की, आय पामिंग टेक्निकचा अवलंब केल्याने दृष्टी सुधारू शकते.
आय पामिंगचे फायदे-
आय पामिंग ही पद्धत डोळ्यांना आराम देते.
डोळ्यांचे स्नायू तात्काळ आरामशीर होतात. ज्यामुळे डोळ्यांचा थकवा कमी होतो.
सतत स्क्रीनकडे पाहिल्याने डोळ्यांमध्ये कोरडेपणा येऊ शकतो, जो या टेक्निकने कमी करता येतो.
आय पामिंगची पद्धत डोळ्यांच्या स्नायूंना बळकटी देते आणि डोळ्यांशी संबंधित समस्यांपासून संरक्षण देते.
आय पामिंगने मानसिक ताण कमी होतो आणि सतत स्क्रीनवर बसल्याने होणारी डोकेदुखी देखील कमी होते.
आय पामिंगने डोळ्यांमध्ये ओलावा टिकून राहण्यास मदत होते आणि काळी वर्तुळे आणि सूज दूर होते.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)