मुंबई : भारत डिजिटल पेमेंटच्या जगात दिवसेंदिवस नवनवीन तंत्रज्ञान आणत आहे. याच पार्श्वभूमीवर एका भारतीय स्टार्टअपने थम्ब पे (ThumbPay) नावाचं अनोखं बायोमेट्रिक पेमेंट डिव्हाइस विकसित केलंय. याच्या मदतीने लोक फक्त अंगठ्याचा ठसा वापरून एकमेकांशी आर्थिक व्यवहार करू शकतात.
काय आहे ThumbPay कल्पना?
या नव्या पेमेंट डिव्हाईसमध्ये फक्त अंगठा वापरून व्यवहार पूर्ण करता होणार. हे डिव्हाइस वापरकर्त्याच्या थेट आधार आणि UPIशी जोडलेलं असणार आहे. या यंत्रणेत आधार-एनेबल्ड पेमेंट सिस्टमद्वारे (AEPS) व्यक्तीची ओळख पटेल. आणि थेट UPI च्या माध्यमातून पैसे ट्रान्सफर होणार आहेत. या नव्या पद्धतीमुळे QR कोड स्कॅन करण्याची किंवा मोबाईल वापरण्याची गरज असणार नाही
ThumbPay डिव्हाइसची वैशिष्ट्ये
१. सर्टिफाइड फिंगरप्रिंट स्कॅनर – फसवणूक होण्याची शक्यता कमी असेल
२. सुरक्षिततेसाठी लहान कॅमेरा आणि यूव्ही स्टरलायझेशन सिस्टम
३. UPI साउंडबॉक्सप्रमाणे आवाज होईल, व्यवहार पूर्ण झाल्यावर रक्कम सांगणार
४. 4G, Wi-Fi आणि LoRaWAN कनेक्टिव्हिटी. यामुळे ग्रामीण भागात कमी नेटवर्क असलेल्या भागातही व्यवहार शक्य होतोल.
५. बॅटरीवर चालणारे हे डिव्हाइस असेल. त्यामुळे वीज नसली तरी वापरता येईल
छोटे व्यापारी सहज वापरु शकणार
या डिव्हाइसची किंमत 2,000 रुपयांपेक्षा कमी ठेवण्यात आली आहे. त्यामुळे छोटे दुकानदार, ग्रामीण भागातील व्यापारी, रोजंदारीवरील मजूर किंवा ज्येष्ठ नागरिक सहज त्याचा वापरू शकतील. कंपनीने या डिव्हाइसची पायलट टेस्ट पूर्ण केलीये आणि सध्या UIDAI आणि NPCI कडून मंजुरी घेण्याची प्रक्रिया सुरू आहे. मंजुरी मिळाल्यानंतर हे डिव्हाईस हळूहळू बाजारात आणलं जाणाराय..
कॅश, कार्ड, युपीआय, NFC आणि आता थम्ब पे….. आर्थिक व्यवहार अधिक गतीमान आणि सुलभ करण्याचा क्रांतीकारी टप्पा… तंत्रज्ञानाची ही प्रगती सगळ्यांच्या उपयोगी पडो आणि ई फसवणुकीचे आर्थिक गैरव्यवहार टाळण्यासाठी त्याचा वापर व्हायला हवा.
