लाखो महिला लाडकी बहीण योजनेसाठी अपात्र; सरकारची ‘त्या’ महिलांवर कारवाई सुरू

पात्रतेच्या अटींनुसार, लाभार्थी महिलांनी इतर कोणतीही शासकीय योजना घेऊ नये. मात्र तपासणीत असे आढळून आले की, अनेक महिलांनी एकापेक्षा जास्त योजना घेतल्या आहेत. त्यामुळे अशा अर्जदारांचा लाभ तात्पुरता थांबवण्यात आला आहे. महिला व बालविकास मंत्री आदिती तटकरे यांनी यासंदर्भात माहिती दिली की, माहिती व तंत्रज्ञान विभागाच्या मदतीने सर्व लाभार्थ्यांच्या अर्जांची छाननी करण्यात आली. त्यामध्ये अपात्र ठरलेल्या लाखो महिलांची माहिती समोर आली असून त्यानंतर ही कारवाई करण्यात आली आहे.

मुख्यमंत्री माझी लाडकी बहीण योजनेअंतर्गत पात्र ठरलेल्या सर्व अर्जांची ओळख पटवण्यासाठी महिला व बालविकास विभागाने शासनाच्या सर्व विभागांकडून माहिती मागवली होती. यानुसार माहिती व तंत्रज्ञान विभागाने सुमारे २६.३४ लाख लाभार्थी अपात्र असताना देखील लाडकी बहीण योजनेचा लाभ घेत असल्याची…

— Aditi S Tatkare (@iAditiTatkare) July 26, 2025

जुलै महिन्याचे पैसे महिलांना कधी मिळणार? 

मुख्यमंत्री माझी लाडकी बहीण योजनेचा दुसऱ्या वर्षातील पहिला म्हणजेच जुलै महिन्याचा लाभ अद्याप राज्यातील लाभार्थी बहिणींच्या बँक खात्यात जमा झालेला नाही. या महिन्याच्या अखेरपर्यंत किंवा पुढील महिन्याच्या म्हणजेच ऑगस्टच्या 5 तारखेपर्यंत मिळेल, अशी माहिती समोर येत आहे. या योजनेतील मासिक अनुदान हे लाडक्या बहिणींचे एक प्रकारे मासिक वेतनच असून, ते महिन्याच्या अखेरपर्यंत किंवा ऑगस्टच्या 5 तारखेपर्यंत देण्याचे नियोजन करण्यात येत असल्याचे सांगण्यात येत आहे.

विधानसभा निवडणुकीच्या आधी राज्य सरकारने ‘मुख्यमंत्री माझी लाडकी बहीण’ योजना सुरु केली होती. या योजनेद्वारे पात्र महिलांना दर महिन्याला १५०० रुपये दिले जातात. मात्र आता या योजनेचा जुलै महिन्याचा लाभ अद्याप महिलांना मिळालेला नाही. त्यामुळे हा लाभ कधी मिळणार याकडे सर्वांचे लक्ष लागलं आहे. जुलै महिना संपायला केवळ 9 दिवस बाकी आहेत. त्यामुळे या उर्वरित दिवसांमध्ये कधीही लाडक्या बहिणींच्या खात्यात 1500 रुपये जमा होऊ शकतात. जून महिन्याचा हप्ता उशिरा मिळाल्याने जुलैचा हप्ताही उशिराने मिळेल का? असा प्रश्न अनेक महिलांना पडला आहे.