दरवर्षी हजारो आणि लाखो हृदयविकाराच्या घटना घडतात. आता तो प्रौढांसोबत मुलांवरही हल्ला करू लागला आहे. राजस्थानमधील सिकर जिल्ह्यात अशीच एक घटना घडली आहे. जिथे एका ९ वर्षांच्या मुलीचा हृदयविकाराच्या झटक्याने मृत्यू झाला. ही घटना शाळेत जेवणाच्या सुट्टीदरम्यान घडली. या घटनेमुळे हळहळ आणि आश्चर्य व्यक्त केले जात आहे. अशा या सायलेंट हृदयविकारांची कारणे नेमकी काय आहेत, सविस्तर जाणून घेऊ…
नेमकी घटना काय घडली?
प्राची कुमावत तिचा जेवणाचा डबा उघडत असताना अचानक जमिनीवर बेशुद्ध पडली. शिक्षिकेने प्राचीला उचलले आणि ताबडतोब जवळच्या डॉक्टरकडे नेले. तिला प्राथमिक उपचार देण्यात आले आणि नंतर रुग्णालयात नेण्यात आले. पण दुर्दैवाने, वाटेतच तिचा मृत्यू झाला. प्राचीच्या कुटुंबातील सदस्यांनी सांगितले की तिला काही दिवसांपासून सर्दी होती. पण या सामान्य समस्येनंतर ती जीव गमावेल कोणीही याची कल्पनाही करू शकत नव्हते.
हे पाहून, प्रश्न नक्कीच उद्भवतो की सर्दी आणि खोकला हे हृदयरोगाचे लक्षण असू शकते का? मुलांमध्ये हृदयविकाराचा झटका येण्याची 3 कारणे असू शकतात.
सर्दी हृदयरोगाचे लक्षण आहे?
ऍलर्जी किंवा संसर्गामुळे सर्दी आणि खोकला होऊ शकतो. अमेरिकन हार्ट असोसिएशनच्या मते, अशा परिस्थितीत शरीराच्या आत दीर्घकालीन दाह वाढतो. यामुळे हृदयावर अतिरिक्त भार पडतो आणि धोकादायक परिणाम होऊ शकतात. यामुळे कोरोनरी धमनी रोग होऊन हृदयविकाराचा झटका किंवा स्ट्रोक देखील होऊ शकतो. दुसरीकडे, जेव्हा हृदय योग्यरित्या पंप करू शकत नाही, तेव्हा फुफ्फुसांमध्ये पाणी भरू शकते, ज्यामुळे सर्दी- खोकला येऊ शकतो.
जन्मजात हृदयरोगाची शक्यता
मुलांमध्ये हृदयविकाराचे कारण जन्मजात हृदयरोग असू शकतो. हा हृदयाशी संबंधित जन्मजात दोषांचा एक गट आहे. अशा मुलांना भविष्यात हृदयविकाराचा झटका किंवा ब्लॉकेज होण्याचा धोका जास्त असतो. याचे एक उदाहरण म्हणजे डाव्या कोरोनरी धमनीचे असामान्य असणे, त्यामुळे लहान मुलांमध्ये हृदयविकाराचा धोका संभवतो.
हृदयविकाराची सामान्य लक्षणे
छातीत दुखणे, छातीत टोचल्यासारखे वाटणे, जोरदार घाम येणे, श्वास घेण्यास त्रास होणे,डाव्या खांद्यावर-हातात वेदना,मळमळ किंवा उलट्या होणे चक्कर येणे, किंवा बेशुद्ध पडणे ही हृदयविकाराची काही सामान्य लक्षणे मानली जातात. त्यामुळे पालकांनी स्वत:ची तसेच पालकांची काळजी घेणे अत्यंत जरूरीचे बनते. सुरूवातीपासून आहार तसेच शरीराची योग्य काळजी आवश्यक ठरते.
