या भारतीय क्रिकेटपटूने घेतली निवृत्ती, अचानक घेतलेल्या निर्णयाने सर्वांना धक्का

परवेज़ रसूल यांनी पत्रकारांशी बोलताना सांगितले की, त्यांना जम्मू-काश्मीर क्रिकेटच्या विकासयात्रेचा भाग असल्याचा अभिमान आहे. गेल्या काही वर्षांत त्यांनी स्वतःला एक विश्वासार्ह अष्टपैलू खेळाडू म्हणून सिद्ध केले आहे. प्रथम श्रेणी क्रिकेटमध्ये त्यांनी ५,६४८ धावा केल्या असून ३५२ बळीही घेतले आहेत. त्यांच्या सातत्यपूर्ण प्रदर्शनामुळे त्यांना रणजी ट्रॉफीतील सर्वोत्तम अष्टपैलू खेळाडू म्हणून प्रतिष्ठित लाला अमरनाथ पुरस्कार दोन वेळा २०१३-१४ आणि २०१७-१८ मध्ये मिळाला.

२०१२-१३ हंगामात त्यांच्या उल्लेखनीय कामगिरीने, जिथे त्यांनी ५९४ धावा केल्या आणि ३३ विकेट घेतले, त्यांना राष्ट्रीय संघात आणि आयपीएलमध्ये स्थान मिळवून दिले.

भारतासाठी खेळलेल्या आपल्या एकदिवसीय सामन्यात परवेजने २ बळी घेतले, मात्र त्यांना फलंदाजीची संधी मिळाली नव्हती. देशासाठी खेळलेल्या एकमेव टी-२० सामन्यात त्यांनी १ विकेट घेतला आणि ५ धावा केल्या.

आयपीएलमध्ये त्यांनी एकूण ११ सामने खेळले असून त्यात १७ धावा केल्या आणि ४ विकेट्स घेतल्या. परवेज रसूलने भारताकडून बांग्लादेशविरुद्ध एकदिवसीय सामना आणि इंग्लंडविरुद्ध टी-२० सामना खेळला होता.