तुम्ही जर नोकरीच्या शोधात असाल आणि तुम्ही जर शैक्षणिक क्षेत्राशी संबंधित एखादी नोकरी शोधत असाल अथवा त्याच्याशी निगडीत तुमचा अनुभव अथवा शैक्षणिक पात्रता असेल, तर ही बातमी तुमच्यासाठी महत्वाची आहे. कारण, राज्यात कंत्राटी पद्धतीने 18106 पदांसाठी शिक्षक भरती केली जाणार आहे. राज्यात एकूण 18,106 कंत्राटी शिक्षकांची भरती करण्यात येणार असून ही पदे 20 पेक्षा कमी पटसंख्या असलेल्या जिल्हा परिषदेच्या शाळांमध्ये भरण्यात येणार आहेत. त्यामुळे तुम्हाला जर या संधीचा लाभ घ्यायचा असेल तर पुढील माहिती काळजीपूर्वक जाणून घ्या…
कंत्राटी पद्धतीने 18,106 पदांसाठी भरती
राज्यात कंत्राटी पद्धतीने 18106 पदांसाठी शिक्षक भरती केली जाणार आहे. राज्यातील 20 पेक्षा कमी पटसंख्या असलेल्या शाळेत या शिक्षकांची नियुक्ती केली जाणार आहे. संचमान्यतेचा 15 मार्च 2024 रोजीच्या शासन निर्णयाला उच्च न्यायालयाने मान्यता दिली आहे. त्यानंतर आता 10 पेक्षा कमी पट असलेल्या शाळेत 1 शिक्षक आणि 20 पेक्षा कमी पट असलेल्या शाळेत 1 नियमित आणि 1 कंत्राटी शिक्षक नेमण्यात येणार आहे.
कमी विद्यार्थीसंख्या असलेल्या शाळांमधील अध्यापनाची गुणवत्ता अबाधित ठेवण्यासाठी सरकारने कंत्राटी शिक्षकांची मोठ्या प्रमाणावर नियुक्ती करण्याचा निर्णय घेतला आहे. या निर्णयामुळे शिक्षक भरतीची तयारी करणाऱ्या हजारो उमेदवारांसाठी रोजगाराची संधी निर्माण झाली आहे. राज्यात एकूण 18,106 कंत्राटी शिक्षकांची भरती करण्यात येणार असून ही पदे 20 पेक्षा कमी पटसंख्या असलेल्या जिल्हा परिषदेच्या शाळांमध्ये भरण्यात येणार आहेत.