Mumbai BJP – पंतप्रधान नरेंद्र मोदी यांच्या ७५ व्या वाढदिवसानिमित्त मुंबई भाजपने वांद्रे पश्चिम येथील डब्बावाला भवन येथे मुंबई भाजपाकडून आज नेत्र तपासणी शिबिराचे आयोजन केले होते. या कार्यक्रमात मुख्यमंत्री देवेंद्र फडणवीस यांनी ‘आवाज मुंबईकरांचा, संकल्प भाजपचा’ या मोहिमेचा शुभारंभ केल्यानंतर आज मुंबई भाजप अध्यक्ष आणि आमदार अमीत साटम यांच्या नेतृत्वाखाली मुंबईतील प्रतिष्ठित डबेवाल्यांसाठी नेत्र तपासणी शिबिर सुरू करत त्यांचे अभिप्राय आणि मते जाणून घेतली. तसेच पुढील दिवसांत भाजप कार्यकर्ते घरोघरी जाऊन मुंबईकरांचे अभिप्राय आणि मते जाणून घेतील, असं मुंबई भाजप अध्यक्ष आणि आमदार अमित साटम यांनी सांगितले.
कार्यकर्ते मुंबईकरांच्या समस्या जाणून घेणार
डबा वितरणसाठी जागतिक स्तरावर प्रसिद्ध प्रणाली असलेल्या मुंबईतील डब्बेवाले त्यांच्या अचूकता आणि अतुलनीय सेवेसाठी ओळखल्या जातात. मुंबईततील डबेवाले ही आवज मुंबईकरांचा, संकल्प भाजपचा या उपक्रमात भाग घेणारा पहिला ग्रुप ठरला. मंगळवारी मुंबई भाजपच्या विजयी संकल्प मेळाव्यात मुख्यमंत्री देवेंद्र फडणवीस यांनी अनावरण केलेल्या या मोहिमेचा उद्देश मुंबईकरांशी संवाद साधून त्यांच्या मते आणि मागण्या जाणून घेणे हा आहे. तसेच भाजपा कार्यकर्ते घरोघरी जाऊन मुंबईकरांशी संवाद साधणार आहेत, त्यांची मते आणि समस्या जाणून घेणार असल्याचे अमित साटम म्हणाले.
अभिप्राय, मते भाजपच्या जाहीरनाम्याचा भाग
भाजप कार्यकर्ते घरोघरी जाऊन सामान्य मुंबईकरांकडून अभिप्राय जमा करतील. आगामी बीएमसी निवडणुकीसाठी त्यांचा अभिप्राय आणि मते भाजपच्या जाहीरनाम्याचा भाग बनतील. आम्हाला लोकांकडून मोठा प्रतिसाद मिळत आहे, तसेच यावेळी मुंबई भाजप अध्यक्ष तथा आमदार अमित साटम यांनी आरोग्य शिबिरानंतर डब्बावालांसोबत दुपारचे जेवणही घेतले. मी त्यांच्याशी थेट संवाद साधला आणि मुंबईच्या विकासासाठी त्यांची मते आणि सूचना ऐकल्या. डब्बावाला हे मुंबईच्या नोकर वर्गासाठी अत्यावश्यक सेवा देतात. त्यांची शिस्त आणि सेवा आंतरराष्ट्रीय स्तरावरही मान्य केली गेली आहे. ही मोहीम त्यांच्यापासून सुरू होणे योग्य आहे, असे आमदार अमित साटम म्हणाले.
