घरी मोराची पिसे ठेवणे शुभ मानले जाते. ज्योतिषशास्त्रानुसार ज्या घरात मोराची पिसे असतात. त्यांच्यावर भगवान श्रीकृष्णाची अपार कृपादृष्टी असते. तसेच आर्थिक चणचण देखील कमी होते. घरात मोरपंख ठेवल्याने घरात सकारात्मक ऊर्जा येते, नकारात्मक ऊर्जा दूर होते आणि देवी लक्ष्मीचा आशीर्वाद मिळतो. यामुळे घरात आनंद, समृद्धी आणि आर्थिक लाभ होतो, तसेच नातेसंबंध सुधारतात.
घरात मोरपंख ठेवण्याचे फायदे
सकारात्मक ऊर्जा आणि समृद्धी
घरात मोरपंख ठेवल्याने सकारात्मक ऊर्जा वाढते आणि नकारात्मक ऊर्जा नष्ट होते. यामुळे घरात सुख, समृद्धी आणि लक्ष्मीचा आशीर्वाद मिळतो. मोरपीस घरात ठेवल्याने वातावरण शुद्ध होऊन शांत आणि आनंदी राहते. वास्तुशास्त्रानुसार मोरपंख योग्य दिशेला ठेवल्यास आर्थिक स्थितीत सुधारणा होते.
आर्थिक लाभ
वास्तुशास्त्रानुसार घरात योग्य ठिकाणी मोरपंख ठेवल्यास आर्थिक लाभ होतो आणि पैशांची चणचण दूर होते. योग्य दिशेने मोरपंख ठेवल्यास आर्थिक स्थिती सुधारते आणि प्रगतीचा मार्ग खुला होतो.
सर्प दोषापासून मुक्ती
घरात मोरपंख ठेवल्याने कालसर्प दोषाच्या त्रासापासून आराम मिळतो. ज्या व्यक्तीच्या कुंडलीत कालसर्प दोष आहे, त्यांनी उशीखाली सात मोरपंख ठेवावेत. काही दिवसांनी ते काढून भिंतीवर लावावेत आणि ११ मोरपंख वाढवावेत. यामुळे कालसर्प दोषाचा प्रभाव कमी होतो असे मानले जाते.
मोरपंख ठेवण्यासाठी योग्य दिशा
- वास्तुशास्त्रानुसार घरात मोरपंख उत्तर दिशेला ठेवावे.
- उत्तर-पूर्व दिशेला मोरपंख ठेवल्याने नशीब आकर्षित होते आणि नातेसंबंध सुधारतात.
- मोरपंख चुकीच्या दिशेला ठेवल्यास आर्थिक नुकसान होऊ शकते.
मोरपीस ठेवण्यासाठी योग्य जागा
- देवघरात मोरपीस ठेवल्यास केलेली पूजा सफल होते आणि घरात सकारात्मक ऊर्जा टिकून राहते.
- पूर्व किंवा आग्नेय दिशा ही दिशा घरात आर्थिक समृद्धी आणि सुख-शांती आणते, असे मानले जाते.
- देवघरातील लक्ष्मीच्या मूर्तीजवळ मोरपीस ठेवल्यास आर्थिक समस्या दूर होतात.
- घरात इतरत्रही मोरपीस ठेवता येते, कारण ते शुभ मानले जाते आणि घरात सकारात्मकता टिकवून ठेवते.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
