संकष्टी चतुर्थीचा उपवास का करावा?
संकष्टीच्या व्रताची संपूर्ण पद्धत
संकष्टी चतुर्थीच्या दिवशी सकाळी लवकर उठून स्नान करा आणि स्वच्छ कपडे घाला. घरी गणेशाची मूर्ती स्थापित करा. गणेशाला आवडणारे लाल किंवा पिवळे कपडे आणि आसन तयार करा. गणेशाला लाल वस्त्र अर्पण करा आणि फुलांनी आणि अगरबत्तीने सजावट करा. मोदक किंवा लाडू प्रसाद म्हणून ठेवा. मंत्राचा जप करा आणि गणेश अथर्वशीर्ष किंवा गणेश स्तोत्र म्हणा. चंद्रोदयानंतर, चंद्राला अर्घ्य अर्पण करा आणि उपवास सोडा. संकष्टी चतुर्थीचा उपवास गणेशाला समर्पित आहे आपल्या जीवनातील अडचणी आणि संकटांवर मात करण्यासाठी केला जातो. या दिवशी उपवास आणि पूजा केल्याने गणेशाची कृपा प्राप्त होते आणि आपल्या इच्छा पूर्ण होतात.
संकष्टी चतुर्थी चंद्रोदय वेळ
एप्रिल महिन्यात संकष्टी चतुर्थी १६ एप्रिल २०२५, बुधवार रोजी येत आहे. या दिवशी चंद्रोदय रात्री ९.४५ मिनिटांनी होईल. या दिवशी चंद्रोदयाचे विशेष महत्व असते. चंद्रोदयाच्या वेळेनंतर चंद्राला अर्घ्य देण्याची परंपरा आहे. या दिवशी चंद्रोदयाच्या वेळी चंद्राला अर्घ्य दिल्यास व्रत पूर्ण मानले जाते अशी मान्यता आहे.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही, तसेच अंधश्रद्धेला दुजोरा देत नाही.)