Most Expensive Players PKL 12 Auction : प्रो कबड्डी लीगचा १२वा हंगाम थरारक ठरणार आहे. दरवेळी कोट्यवधी रुपयांची बोली मिळवणारा पवन सहरावत यावेळी फक्त लाखोंमध्ये विकला गेला. यावेळी पवन सहरावतसोबत अर्जुन देशवाल, नवीन कुमार आणि प्रदीप नरवाल यांसारखे दिग्गजही लिलावात सहभागी झाले होते. प्रो कबड्डी लीग २०२५ लिलावाच्या पहिल्या दिवशीचे ५ सर्वात महागडे खेळाडू कोण होते, हे आपण येथे जाणून घेणार आहोत.
PKL २०२५ मधील ५ सर्वात महागडे खेळाडू
१२ व्या हंगामाच्या लिलावाच्या पहिल्या दिवशी विकले गेलेले सर्वात महागडा खेळाडू मोहम्मद रजा शादलू होता. गुजरात जायंट्सने त्याला २.२३ कोटी रुपयांना खरेदी केले. गेल्या हंगामात त्याने हरियाणा स्टीलर्ससाठी १३९ गुण मिळवून हरियाणाला चॅम्पियन बनवण्यात मोठे योगदान दिले होता. दुसरा सर्वात महागडा खेळाडू देवांक दलाल होता, जो पीकेएल ११ चा टॉप रेडर होता. देवांकने गेल्या हंगामात ३०१ रेड पॉइंट मिळवले होते.
दबंग दिल्लीने आशु मलिकवर एफबीएम कार्ड खेळले आहे, ज्याला दिल्लीने १.९० कोटी रुपयांना रिटेन केले होते. आशु २०२१ पासून दबंग दिल्लीकडून खेळत आहे. चौथा सर्वात महागडा खेळाडू अंकित जगलान आहे, ज्याच्या जागतिक दर्जाच्या बचावात्मक कौशल्यामुळे तो पीकेएलचा टॉप खेळाडू बनला आहे. अंकितला पटना पायरेट्सने १.५७३ कोटी रुपयांना विकत घेतले आहे. २०२१ नंतर, अर्जुन देशवाल पहिल्यांदाच जयपूर पिंक पँथर्स ऐवजी दुसऱ्या संघाकडून खेळेल. त्याला तमिळ थलाईवाजने १.४५ कोटी रुपयांना खरेदी केले आहे.
मोहम्मदरेझा शादलू – २.२३ कोटी (गुजरात जायंट्स)
देवांक दलाल – २.२०५ कोटी (बंगाल वॉरियर्स)
आशु मलिक – १.९० कोटी (दबंग दिल्ली)
अंकित जगलान – १.५७३ कोटी (पाटणा पायरेट्स)
अर्जुन देशवाल – १.४०५ कोटी (तमिळ थलाईवाज)
पवन सेहरावत आणि अर्जुन देशवाल एकाच संघात
भारतीय कबड्डी संघाचा कर्णधार पवन सेहरावत गेल्या अनेक हंगामांपासून कोट्यवधी रुपयांना खेळत आहे. पण यावेळी तमिळ थलाईवाजने त्याला फक्त ५९.५ लाख रुपयांना खरेदी केले आहे. यावेळी तलाईवाजने चांगली कमाई केली आहे, कारण पीकेएलच्या इतिहासातील २ सर्वात यशस्वी रेडर, पवन सेहरावत आणि अर्जुन देशवाल या संघाकडून खेळणार आहेत.
