मराठी चित्रसृष्टीने गेल्या काही वर्षांत चांगली कात टाकली आहे. मराठी चित्रपटसृष्टीत भव्यतेचं नवं पर्व घेऊन येणाऱ्या ‘दशावतार’ या आगामी चित्रपटाचा जबरदस्त टीझर नुकताच प्रदर्शित झाला असून, प्रेक्षकांच्या उत्सुकतेला चांगलंच उधाण आलं आहे. सोशल मीडियावर या चित्रपटाबाबत जोरदार चर्चा सुरू आहे. प्रतिभावान अभिनेते दिलीप प्रभावळकर यांच्या वाढदिवसाचे औचित्य साधत टिझर प्रदर्शित करण्यात आला आहे. हा चित्रपट 12 सप्टेंबरला रिलीज होणार आहे.
दशावतार’ची चर्चा जोरात;टीझरने प्रेक्षक भारावले!
झी स्टुडिओज प्रस्तुत, ओशन फिल्म कंपनी आणि ओशन आर्ट हाऊस निर्मित या चित्रपटात मराठीतील दिग्गज आणि अत्यंत ताकदीचे कलाकार एकत्र आले असून दिलीप प्रभावळकर, महेश मांजरेकर, भरत जाधव,विजय केंकरे, सुनील तावडे, रवी काळे, सिद्धार्थ मेनन, प्रियदर्शिनी इंदलकर आणि अभिनय बेर्डे अशा दर्जेदार कलाकारांची मांदियाळी या चित्रपटाच्या टिजरमध्ये दिसून आली आहे. ‘दशावतार’ हा चित्रपट केवळ एक सस्पेन्स थ्रिलर नसून, भावनांचा, रूढी परंपरांचा, पारंपरिक लोककलेचा आणि आधुनिक आव्हानांचा खेळ असावा असं या टिझरमधून लक्षात येत आहे. प्रेक्षकांमध्ये टीझरची जोरदार चर्चा सुरू आहे.
दशावतार नवे रेकॉर्ड रचणार का?
टीझरमध्ये दाखवलेली दृश्ये गूढता, भव्यता आणि थरार निर्माण करणारी आहेत. प्रत्येक पात्राची झलक दाखवणारा हा टिझर प्रेक्षकांना खिळवून ठेवणारा आणि चित्रपटाची उत्सुकता अधिक ताणणारा आहे. कोकणातील भव्य निसर्ग दृश्ये, दशावतारी कलेशी संबंधित दृश्य आणि घनदाट अरण्य पाहून हा नेहमीपेक्षा वेगळा अनुभव देणारा चित्रपट असेल याची खात्री पटते आहे.चित्रपटाचे लेखक व दिग्दर्शक सुबोध खानोलकर म्हणतात, “‘दशावतार’ ही कोकणातील मातीशी घट्ट जुळलेली पण जगभरातल्या प्रेक्षकांना सहज आपलीशी वाटेल अशी गोष्ट आहे. त्यातली भव्यता, थरारक प्रसंग आणि भावनिक क्षण हे प्रेक्षकांना आजवर न पाहिलेला अनुभव देतील अशी खात्री आहे. हा अनुभव घ्यायला चित्रपटगृहातच यावं लागेल अशा पद्धतीचा हा चित्रपट आहे!” त्यामुळे मराठी प्रेक्षकवर्ग या चित्रपटाला चांगला उचलून धरेल अशी आशा आहे.
भव्य, अतिदिव्य रंगपूजेचा सोहळा…
“दशावतार” १२ सप्टेंबर पासून जवळच्या चित्रपटगृहात.#TeaserOutNowआपला ‘दशावतार’ चित्रपट आता BookMyShow वर Live आलाय!
‘I’m Interested’ वर क्लिक करा, जेणेकरून बुकिंग सुरू झाल्यावर तुम्हाला सर्वात आधी नोटिफिकेशन येईल आणि तुम्ही पटापट तुमचं तिकीट बुक… pic.twitter.com/tU9gpF5mIg— Zee Studios (@ZeeStudios_) August 4, 2025
