हिंदू परंपरेत, कुलदेवता आणि कुलदेवी यांना महत्त्वाचे स्थान आहे. प्रत्येक हिंदू कुटुंबाचे मूळ एका विशिष्ट ऋषींकडे जाते, जे त्यांच्या गोत्राची ओळख पटवते. कुलदेवीला नवस करणे ही एक धार्मिक परंपरा आहे, ज्यामध्ये श्रद्धा आणि भक्तीने कुलदेवीकडे इच्छा पूर्ण करण्यासाठी प्रार्थना केली जाते. कुलदेवीला कुटुंबाची रक्षक देवता मानले जाते, आणि तिच्या उपासनेमुळे कुटुंबाचे संरक्षण होते असे मानले जाते. कोणत्याही शुभ प्रसंगी किंवा अडचणीच्या वेळी कुलदेवीकडे नवस करणे हे तिच्याकडे प्रार्थना करण्याचा एक मार्ग आहे. कुलदेवीची पूजा करणे हे कुटुंबासाठी अत्यंत महत्त्वाचे मानले जाते आणि हजारो वर्षांपासून ही प्रथा चालत आली आहे. कुलदेवीला नवस कसा करावा? हे जाणून घेऊया…
नवस करण्याची पद्धत
- प्रथम कुलदेवतेचा मंत्र किंवा नावाचा जप करून नवसाचा संकल्प करा.
- तुमची समस्या किंवा इच्छा स्पष्टपणे सांगा. त्यानंतर, जर इच्छा पूर्ण झाली तर कुलदेवतेला काय अर्पण करणार आहात (उदा. नारळ, प्रसाद, वस्त्र, सेवा इ.) हे नमूद करा.
- नवस पूर्ण झाल्यावर कुलदेवतेच्या दर्शनाला जा, किंवा घरीच पूजा करा.
- कुलदेवतेच्या नावाचा जप श्रद्धेने करत राहा. काहीवेळा कुलदैवत माहीत नसतानाही, ‘श्री कुलदेवताय नमः’ या मंत्राचा जप केल्याने कुलदैवत शोधण्यात मदत होते.
- नवसासोबतच कुलदेवतेची नित्यसेवा करणे महत्त्वाचे आहे.
नवस करताना लक्षात ठेवण्यासारख्या गोष्टी
- नवस करताना स्पष्ट आणि मोजके शब्द वापरा.
- तुमच्या नवसासाठी काय करायचे आहे, हे स्पष्टपणे ठरवा.
- नियम आणि विधींचे पालन करा.
- सकारात्मक आणि श्रद्धेचे मन ठेवा.
- तुम्ही कुलदेवीला नैवेद्य म्हणून मोदक किंवा लाडू अर्पण करू शकता.
- तुम्ही कुलदेवीला नारळ अर्पण करू शकता.
- तुम्ही कुलदेवीला पेढे अर्पण करू शकता.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
