सध्या संपूर्ण देशात दिवाळीची धूम बघायला मिळत आहे. यंदाच्या दिवाळीत 5 राजयोगांचा भव्य संयोग (Diwali Horoscope) निर्माण होणार आहे, नवपंचम राजयोग, हंस महापुरुष राजयोग, शुक्रादित्य राजयोग, कलाकृती राजयोग आणि नीचभंग राजयोग असे हे ५ राजयोग आहेत. या 5 राजयोगांच्या या भव्य संयोगामुळे मिथुन राशी, कर्क राशी आणि तूळ राशीच्या व्यक्तींना मोठा फायदा होणार आहे. या राशींच्या लोकांवर देवी लक्ष्मीची कृपा राहील. आर्थिकदृष्टया त्यांना सोन्याचे दिवस येणार आहेत. चला तर मग याबाबत सविस्तर जाणून घेऊया.
१) मिथुन राशी
दिवाळीत 5 राजयोग निर्माण झाल्याने मिथुन राशीच्या लोकांना (Diwali Horoscope) मोठा फायदा होऊ शकतो. मिथुन राशीच्या लोकांना अचानकपणे धनलाभ होईल, उत्पन्नाचे नवनवीन स्रोत निर्माण होतील. नोकरदार वर्गाला कामाच्या ठिकाणी बढती मिळेल. आरोग्य चांगले राहील. प्रियकर किंवा प्रेयसी सोबतचे नाते आणखी घट्ट होईल. व्यावसायिक लोकांसाठी हा काळ अतिशय अनुकूल राहील. तुम्हाला नवनवीन प्रोजेक्ट मिळतील. जुन्या मालमत्तेचे पैसे मिळण्याची शक्यता आहे, साहजिकच, तुमची आर्थिक परिस्थिती अतिशय मजबूत होईल.
२) कर्क राशी Diwali Horoscope
दिवाळीत 5 राजयोग निर्माण झाल्याने कर्क राशीच्या लोकांसाठी हा काळ हा सुवर्णकाळ असेल. तुमची जुनी काही कामे अडकली असतील तर ती दिवाळीनंतर पूर्ण होतील. नोकरीच्या शोधात असणाऱ्या तरुणाचे नोकरीचे स्वप्न पूर्ण होईल. देवीच्या आशीर्वादाने व्यवसाय भरभराटीला येईल. उद्योग- व्यवसायात वाढ होईल. कौटुंबिक वातावरण अतिशय सकारात्मक आणि समृद्धीचे राहील. विद्यार्थ्यांना परीक्षेत यश मिळेल.
३) तूळ राशी
दिवाळीत 5 राजयोग निर्माण होणे (Diwali Horoscope) तूळ राशीसाठी शुभ मानले जाते. नोकरी करणाऱ्यांना त्यांच्या वरिष्ठांकडून कौतुकाची थाप मिळेल. तसेच नवीन प्रकल्पाची जबाबदारीही तुम्हाला मिळू शकते. धनलाभासाठी हा काळ अतिशय उत्तम असेल. जुने मित्र आणि पै- पाहुण्यांच्या भेटीगाठी होतील. नातेवाईकांसोबत बाहेर फिरायला जाण्याचा योग जुळून येईल. तुमच्या जोडीदारासोबत चांगला वेळ घालवाल.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)