आता येत्या 1 ऑक्टोबरपासून देशभरात अनेक मोठे बदल लागू होती, ज्याचा थेट परिणाम सामान्य लोकांवर होईल. सर्वात महत्त्वाचा बदल NPS शी संबंधित आहे, जिथे गुंतवणूकदार आता एकाच पॅन क्रमांकाचा वापर करून अनेक योजनांमध्ये गुंतवणूक करू शकतील. याशिवाय, या महिन्यात ऑनलाइन गेमिंगपासून ते EPF पर्यंत सर्व गोष्टींमध्ये बदल होणार आहेत. तर, 1 ऑक्टोबर रोजी कोणते 7 मोठे बदल होणार आहेत जाणून घेऊया.
ऑनलाईन गेमिंगमधील बदल
ऑनलाइन गेमिंगच्या विश्वात 1 ऑक्टोबरपासून निर्णायक बदल होणार आहेत. नवीन नियम लागू करण्याआधी केंद्र सरकारने गेमिंग कंपन्या, बँका आणि इतर भागधारकांशी चर्चा केली असून राष्ट्रपती द्रौपदी मुर्मू यांनी या कायद्याला आधीच मान्यता दिली आहे. या नियमांचा उद्देश ऑनलाइन गेमिंग अधिक सुरक्षित आणि पारदर्शक बनवणे, खेळाडूंना फसवणुकीपासून वाचवणे आणि कंपन्यांवर करडी नजर ठेवणे आहे.
रेल्वे तिकिट आरक्षण
1 ऑक्टोबरपासून ऑनलाइन आरक्षण तिकीट बुकिंगचे पहिले 15 मिनिटे फक्त त्या प्रवाशांनाच उपलब्ध असतील ज्यांचे IRCTC खाते आधारशी जोडलेले आणि पूर्णपणे प्रमाणित केलेले आहे. तत्काळ तिकीट बुकिंगच्या आधारे बनवलेला हा नियम दलाल आणि एजंटांच्या मनमानी कारभाराला आळा घालण्यात महत्त्वाचा ठरेल.
EPFO पेन्शन वाढणार?
ऑक्टोबरमध्ये PF खातेधारकांना मोठा दिलासा मिळू शकतो. 10 ते 11 ऑक्टोबर रोजी होणाऱ्या महत्त्वाच्या बैठकीत ग्राहकांना PF खात्यातून थेट एटीएमद्वारे पैसे काढण्याची परवानगी देण्याचा प्रस्ताव मांडला जाईल. तसेच बैठकीत किमान पेन्शन 1000 वरून 1,500-2,500 रुपयांपर्यंत वाढवण्यावरही चर्चा होऊ शकते. याव्यतिरिक्त, EPFO ऑक्टोबरमध्ये नवीन डिजिटल सेवा ‘ईपीएफओ 3.0’ सुरू करू शकते.
UPI मधील मोठे बदल
UPI वापरकर्त्यांसाठी 1 ऑक्टोबरपासून एक मोठा बदल होण्याची शक्यता आहे. तुम्ही आता फोनपे, GPay किंवा इतर पेमेंट ॲप वापरणाऱ्या मित्र-नातेवाईक किंवा इतर कोणाकडूनही थेट पैसे मागू शकणार नाही. UPI मधील ‘कलेक्ट रिक्वेस्ट’ किंवा ‘पुल ट्रान्झॅक्शन’ फीचर पूर्णपणे बंद होऊ शकते. या फिचरमुळे यूजर्सना दुसऱ्याला पेमेंट रिक्वेस्ट पाठवून पैसे मागण्याची परवानगी मिळायची.
एलपीजीच्या किंमत बदल
1 ऑक्टोबर रोजी LPG सिलिंडरच्या किमती सुधारित होऊ शकतात. गेल्या काही महिन्यांपासून व्यावसायिक सिलिंडरच्या किमतीत बदल होत आहे आणि घरगुती गॅस सिलिंडरचा भाव स्थिर राहिले आहे पण, आता सणासुदीच्या काळात गृहिणींना गॅस सिलिंडरच्या दरांमध्ये दिलासा अपेक्षित आहे. त्यामुळे १ ऑक्टोबरपासून लागू होणारे असे काही नवे बदल तुमच्या बजेटवर सकारात्मक तसेच नकारात्मक असे दोन्ही स्वरूपाचे परिणाम करू शकतात.
