नव्याने बाजारात आलेली एअरलेस टायर ही नवी टेक्नॉलॉजी ऑटोमोबाईल क्षेत्रात मोठा बदल घडवू शकते. या टायरसाठी हवा भरायची गरज नसते, म्हणजेच न पंचर, न ब्लास्ट, न एअर प्रेशरची झंझट. त्यामुळे ड्रायव्हिंग आणखी सुरक्षित आणि स्मूद होऊ शकते. आता वाहनचालकांच्या मनात या नव्या टेक्नॉलॉजीबद्दल अनेक प्रश्न खरंतर निर्माण झाले आहेत. खरंतर ह्या टायरांची किंमत नेमकी काय असेल, फायदे आणि तोटे काय? असे प्रश्न आहेत. या सर्व प्रश्नांची सविस्तर उत्तरे जाणून घेऊ…
एअरलेस टायर नेमके कसे असतात ?
भारतातील ऑटोमोबाईल बाजार झपाट्याने बदलत आहे. या बदलांसोबतच टायर बनवण्याचं तंत्रज्ञानही अधिक आधुनिक होत चाललंय. अनेक वर्षांपासून आपण ट्यूब आणि ट्यूबलॅस टायरच वापर करत आलो आहोत. हेच टायर सामान्य वाहनांसाठी मानक म्हणून ओळखलं जात होतं. एअरलेस टायर्समध्ये हवा नसल्यामुळे पंचर होण्याचा प्रश्नच राहत नाही कारण हे टायर्स पूर्णपणे मेंटेनन्स-फ्री असतात. या टायरच्या आत खास प्रकारचे रबर स्पोक्स वापरले जातात. यामुळे हे रबर स्पोक्स टायरला मजबुती आणि योग्य आकार देतात.
एअरलेस टायर्सचा फ्यूचरिस्टिक लूक खूप वेगळा दिसतो. या टायरचे आतले स्ट्रक्चर बाहेरून स्पष्ट दिसतात. लांब प्रवास करताना हे टायर अतिशय विश्वासार्ह मानले जातात. खराब रस्त्यांवरही हे टायर चांगली कामगिरी करतात. सध्या एअरलेस टायर्सची किंमत सामान्य टायरच्या तुलनेत अधिक आहे. भविष्यात उत्पादन वाढलं तर या टायर्सच्या किंमती कमी होऊ शकतात.
एअरलेस टायर: फायदे, तोटे, किंमत
सध्या ही टेक्नॉलॉजी नवीन असल्यामुळे यांची किंमत जास्त आहे. सध्या एअरलेस टायर्सची किंमत सामान्य टायरच्या तुलनेत अधिक आहे. भविष्यात उत्पादन वाढलं तर या टायर्सच्या किंमती कमी होऊ शकतात. याची किंमत सुमारे ₹10,000 ते ₹20,000 प्रति टायर आहे, तरी ही किंमत ब्रँड, साईज आणि स्पेसिफिकेशननुसार बदलते. साधारण ट्यूबलेस टायरची किंमत ₹1,500 ते ₹6,000 पासून सुरू होते. म्हणजे एअरलेस टायर हे सध्या तुलनेत अनेक पटीने महाग आहेत. तज्ज्ञांच्या मते उत्पादन वाढल्यावर या टायरची किंमत लक्षणीय कमी होऊ शकते.
टायर मजबूत असल्याने खड्डे किंवा उबडखाबड रस्त्यांवर जास्त झटके जाणवू शकतात. टायरचा रस्त्याशी संपर्क जास्त असल्याने इंजिन किंवा मोटरवर अधिक ताण येतो. इलेक्ट्रिक वाहनांमध्ये रेंज कमी होऊ शकते, तर पेट्रोल/डिझेल वाहनांमध्ये मायलेज कमी होतो. इलेक्ट्रिक कारमध्ये इंजिन नसल्याने टायरचा आवाज आणि कंपन केबिनमध्ये जास्त ऐकू येतो.
एअरलेस टायर ही पुढील काही वर्षांत वाहन उद्योगात खूप मोठी क्रांती घडवू शकणारी टेक्नॉलॉजी आहे. पंचरचा त्रास संपणार आणि सुरक्षितता वाढणार. पण सध्या त्यांचा खर्च जास्त आहे आणि काही परफॉर्मन्स-संबंधित मर्यादाही आहेत. त्यामुळे या टेक्नॉलॉजीत भविष्यात आणखी काही सुधारणा अपेक्षित आहेत.
